HUYU NDIYE KIONGOZI ALIYECHAGULIWA KUWA MWENYEKITI WA BUNGE MAALUM LA KATIBA.

Samwel Sitta amechaguliwa kuwa mwenyekiti wa bunge maalum la katiba kwenye uchaguzi uliofanyika leo jioni mjini Dodoma

Akitangaza matokeo hayo msimamizi wa uchaguzi huo amesema kati ya kura 563 zilizopigwa, Samwel Sitta amepata kura 487 na kumshinda Hashim Rungwe aliyepata kura 69 huku kura saba zikiharibika.

Kesho atachaguliwa makamo wa mwenyekiti wa bunge hilo ambaye anatakiwa kutoka Zanzibar na anapaswa kuwa mwanamke kwa mujibu wa makubaliano ya wajumbe wa bunge hilo.