TIME YA BIASHARA KATI YA KANYE WEST NA JAY Z, WAWAACHE

Rapa Kanye West, kupitia jumba lake la ubunifu ambalo husimamia vipaji mbalimbali, DONDA ameingia mkataba na lebo ya Roc Nation ya msanii Jay Z, kwa ajili ya kazi maalum ya usimamiaji kazi zote za muziki ambazo zitakuwa zinafanywa na wasanii wake.

Kanye West ambaye kupitia DONDA ameweza kuleta pamoja wabunifu na wasanii wenye vipaji na fani mbali mbali kuanzia katika mitindo ya mavazi, sayansi, teknolojia na mambo mengine mengi, amefikia hatua ya kufanya kazi na Roc Nation kama wazoefu katika kusimamia kazi za muziki ili kuongeza nguvu zaidi katika upande huo.

Kanye amekwishajijengea sifa ya kufanya kazi na makampuni yenye majina makubwa katikakutengeneza nguo, viatu pamoja na bidhaa nyingine ambazo zimeweza kufanya vizuri sokoni, ambapo sasa ameamua kujirudi kidogo na kuwekeza katika muziki.